Nuje che ‘a vita è semp’ ‘na tarantell’
Nuje ca “vien’ cà guard’ comm’ staje bell’”
Nuje c’ascimm’ fujenn’ senza ‘mbrell’
Pe’ ‘a foja ‘e nun ce perder’ ‘e stell’
Nuje che ‘a camorra ce cumann’
Nuje che ‘o stat’ è semp’ ‘o lupo
Nuje che tant’ ce sta poc’ ‘a fa’
Nuje che pensamm’ sul’ a magnà
Nuje c’arrubbamm’ e nun’ ce ne fott’ chi cumann’
Nuje ca ve ramm’ ‘o core e nun cuntamm’ ll’ore
Nuje ca jastemmamm’ l’anem’ ‘e chi v’è mmuort’
Nuje ca priann’, ancora ce chiagnimm’ e muort’
Nuje ca ce stann’ accerenn’ e nun vulimm’ murì
Nuje ca ‘o ssapimm’ buon’ ma nun ‘o vvulimm’ capì
Nuje ca ce suppurtamm’ e nun’ ce putimm’ verè
Nuje ca jettamm’ ‘o sang’ pe’ nun ‘o ffa’ verè
Nuje ca c’avutamm aret’ pe’ nun guardà annanz’
Nuje ca c’addurmimm’ ch’e dulure ‘e panz’
Nuje ca nun tenimm’ ‘a ciort’ e né ‘a crianz’
Nuje c’aspettamm’ ‘a mort’ chin’ ‘e speranz’
Nuje che e parient’ so’ semp’ ‘e parient’
Nuje che e cumpagn’ so’ semp’ e cumpagn’
Nuje che ‘o sparagn’ nun è maje guaragn’
Nuje che se chiagn’ se fott’ e se magn’
Nuje ca speramm’ avvacant’ aret’ a ‘na manìa
Nuje ca ce perdimm’ sturdut’ ‘ind’ a ‘na litania
Nuje ca ce rassignamm’ a campà c’a malatìa
Nuje che c’è passat’ ‘o suonn’ e pur’ ‘a fantasia
Nuje ca quand’ stamm’ luntan’ ce sentimm’ cchiù vicin’
Nuje ca Napule è a cchiù bell’ e tutt’ ll’at’ ‘na latrin’
Nuje ca afflitt’ po’ aspettamm’ sul’ ‘o sol’ r’a matin’
Nuje ca “po’ che ce ne fott’!?” e “jat’ a ffa’ quatt’ bucchin’!”
Nuje che ‘e vvot’ so’ sul’ io
Ca rind’ ‘o suonn’ cant’
E nun me voglio scetà
In copertina: Napoli, Mimmo Jodice, 1990